All about Demat Account

Agar aap share market me invest ya trading karna chahte hai to apke pass demat account hona jaruri hai iske bina aap share market me invest nahi kar sakte.

To iss article me demat account kya hai, demat account kyu shuru kiya gaya, iske kya fayde hai ye sab hum apko batayenge.

Demat Account

What is Demat Account?

Saral language me kahe to jese bank me paiso ka transfer hota hai vese hi demat account me share ka transfer hota hai. Paiso ki chori na ho aur safe rahe iss liye bank ke account through transfer karte hai isse tarah share ko bhi demat through transfer karte hai.

Demat me investor apne shares, mutual funds, debentures, bonds aur securities electronic form me rakhte hai aur bina demat account ke share market me invest nahi kar sakte.

Demat Account History

Pehle jab aap share kharidte the to company aapko usse related documents bhejti thi vo iss baat ka proof tha ki apne share market me invest kiya hai, aur jab aap share ko bechte the tab pehle vo company ke pass jata tha vaha company usse refer karke apne becha tab kya rate the usske according aapko paise bhejti thi, ye process me kafi time lag jata tha isliye log isme invest karne se katrate the.

Share ko kagaj form me rakhne se uski chori aur kharb hone ke case bhi badh gaye the isliye SEBI ne 2 depository NSDL and CDSL ko register kiya. Ye 2 depository ke 500 se jyada agent hai jise DP (Depository participant) kaha jata hai. DP bank, broker ya financial institution hote hai. Yeh investor ko DP ke through demat ki service provide karte hai. CDSL hai wo BSE (Bombay Stock Exchange) ke through promote ki gayi depository hai aur NSDL NSE(National Stock Exchange) ke through promote ki gayi hai.

How to open demat account

Aap apna demat account kisi bhi registered DP ke pass open karva sakte hai. Demat account bank account ki tarah hota hai.

Jab aap share kharidte hai to vo demat me aata hai, aur bechte hai to demat se remove ho jata hai. Aap apni share ki holding online bhi dekh sakte hai.

Investor jab share kharidta hai tab share uske demat account me share T+2 me credit hota hai. Iska matlab trading day +2 din yani transaction ke 2 din baad hi share demat me add remove hote hai.

Demat account open karne ke liye apko registration form broker deta hai, usme demat ke kya kya charges hai jese ki annual charges, maintenance charges etc. ki sari information di gayi hoti hai. Uske baad broker apko UID (Unique Identification number) deta hai aur apko account opening ke liye kuch proof dene padte hai jese,

  • ID Proof
  • Passport-size photograph
  • Address proof
  • Bank statement

Benefit of Demat Account

  • Share or securities ke gum hone ya chori hone ka dar nahi rehta aur to aur zero paper work ki vajah se ye bohat faydemand hai
  • Isme transaction cost aur stamp duty ki bhi jarurat nahi hai.
  • Share automatically debit or credit hote hai jisse aap kisi bhi jagah se trading kar sakte hai.
  • Pehle share transfer ki process bohat time leti thi aab demat account ke through share transfer easy ho gaya hai.
  • Pehle share bechna muskil tha kyunki aap ek share nahi bech sakte the par ab demat ki vajah se aap ek share kharid aur bech sakte hai.

Hum umeed karte hai apko demat account kya hai aur iska kitna importance hai ye pata chal gaya hoga. Is topic se related query aap comment box me puch sakte hai.

Bookmark the permalink.

Leave a Reply

Your email address will not be published. Required fields are marked *

CommentLuv badge