Bitcoin ki sari Jankari Hindi Me

Aapne cryptocurrency kya hai is ke bare me article padha hai. Agar cryptocurrency ki baat kar rahe hai to bitcoin ke bare me na baat ho aisa ho nahi sakta.

To iss article me hum aapko batayenge ki bitcoin kya hai ? Isme invest karne ke kitne tarike hai ? Iske advantages or disadvantages.

Bitcoin

What is Bitcoin?

Bitcoin duniya ka sabse pehla cryptocurrency hai, jise Satoshi Nakamoto ne 2009 me launch kiya tha. Ye ek tarah se global cryptocurrency ban gaya hai.

Sabhi country ki apni currency hoti hai jise vaha ka central bank regulate karta hai. Lekin bitcoin kisi country ki currency nahi hai ye kisi bank me nahi jama hoti.

Ye peer to peer network pe work karta hai. Ye ek decentralizes currency hai iska matlab hai iss currency ko control karne ke liye bank, authority ya government ki jarurat nahi hai.

Ye ek cryptocurrency hai jise cryptography ka use karke banaya gya hai jo saman kharidne ke liye ya service me use hoti hai. Ye trade hoti hai isliye isko bechkar paise kamaye ja sakte hai..

Ye cryptocurrency sabse jyada famous hai aur iski value sabse jyada rehti hai. 2017 me 1 bitcoin ki price 19783 dollar se upar chali gayi thi.

Bitcoin Wallet

Bitcoin ka koi physical form nahi hai isse hum apne ghar ya pocket me store nahi kar sakte to isse kaha rakha jata hai ? Isse store karne ke liye bitcoin wallet ki jarurt hoti hai.

Internet me bohat sari application aur cloud-based wallet hai jaha aap account banakar is ko store kar sakte hai.

How to earn bitcoin?

Bitcoins earn karne ke 2 -3 tarike hai.

Trading

Sabse pehla tarika simple hai, aap direct is ko purchase kare aur jab isski price badhati hai tab bech de isse apko profit mil sakta hai.

Sell product

Dusra tarika hai aap kisi ko koi saman bech rahe ho usse aap paiso ke badale bitcoins kharid lo jo apke wallet me jama hoga. Jab is ki price badh jaye tab aap usse sell karke paise kama sakte hai.

Bitcoin Miner

Mining samaj ne se pehle aapko ye pata hona chahiye ki har country me note chhapne ki limitation hoti hai ussi tarah bitcoins banane ki bhi limitation hoti hai.

Naye bitcoins market me mining ke through aate hai. Agar apne kisi ko bitcoin bheje hai to iss process ko verify karte hai aur jo verify karte usse miner kehte hai. Miner ke pass high power ke computer hote hai jisse wo bitcoins transaction ko verify karte hai.

Miners ye verify karte hai ki jab kisi ko bitcoins bhej rahe hai usme kisi tarah ki herapheri ya cheating to nahi ho rahi, verify karne par usse reward me bitcoins milta hai to iss tarah market me new bitcoin aate hai. Agar apke pass heavy computer hai to aap bhi mining kar sakte hai.

How to Buy Bitcoins?

Is ko kharidne ke liye apko exchange ki jarurt hogi jo apki currency ke badle apko bitcoin provide kare. India me aise kuch exchange hai jese ki,

  • Unocoin
  • Zebpay
  • Coinsecure

Advantages of Bitcoins

  • Yaha transaction fee credit or debit care ke payment ke compare me bohat kum hai.
  • Bank account jese block hota hai is tarah yaha account block hone ka problem nahi hota.
  • Bitcoins ko aap duniya bhar me kahi bhi bech sakte hai.

Disadvantages of Bitcoins

  • Bitcoins par kisi government ki authority nahi hoti isliye iska galat jagah jese ki black money ya drugs etc., me hota hai.
  • Isme koi control authority na hone ki vajah se iski price bahot kum jyada bhi ho sakti hai.
  • Agar apka bitcoin account hack ho jata hai to isse aap vapis nahi le sakte aur isme government apki kisi tarah madad nahi kar sakti.

Apko bitcoin ke bare me sari information yaha pe provide ki gayi hai. Kisi bhi jagah invest karne se pehle unke saare pehlu acchi tarah se jaanchna behat jaruri hai. Agar bitcoin ke bare me aap ke pass koi experience aur koi jankari hai to niche comment box me share kar sakte hai

Bookmark the permalink.

Leave a Reply

Your email address will not be published. Required fields are marked *

CommentLuv badge