Business Ideas in Hindi with Low investment

Dosto agar aap apna business start karne ke idea dhundh rahe hai aur aap low investment ke sath successful business karna chahte hai to aapke liye ye article bohat helpful rahega.

Aksar log business karne ki sochte hai par wo samaj nahi pate ki konsa business kare ya to unke pass konsa business kare uske idea nahi hote.

India me start-up entrepreneurs ke liye gharelu ya laghu udhyog ek best option keh sakte hai kyunki iss business me sabse kum investment lagta hai aur profit bhi achha mil jata hai.

Aaj hum aapko aise kuch Business Ideas with Low investment ki list denge jisse apko pata chale ki market me konse business kare.

Business Ideas in Hindi with Low investment

Business Ideas in Hindi with Low investment

1) Home canteen

Ghar se canteen chalana kum investment me business karna ka best way hai. Isme aap alag alag tarah ke meal bana kar usse workers, industry aur office jaisi jagah me pohcha kar acha munafa kama sakte hai.

2) Data entry job

Data entry job me koi investment nahi lagta agar apke pass computer aur internet connection hai to aap ghar par beth kar data entry job kar sakte hai. Data entry job me apko ye dhyan rakhna hoga ki diye gaye time pe kam pura ho jana chahiye. Data entry ke liye kai websites hai jaha par aap register karke kaam dhudh sakte hai jaise ki freelancer aur upworks.

 

3) House on rent

Agar aap ke ghar me koi extra room hai jisse aap use nahi karte to aap usse rent par de sakte hai jisse apko bina kuch kiye earning ho jati hai. Aaj kal sabhi bachhe bahar padhne jate hai isliye ye business city me jyada chalte hai.

4) Envelope making

Paper envelope Gharelu, educational field aur companies me daily basis par use hote hai. Iski demand har roj badhti hi ja rahi hai. Manual ya automatic machine ke sath aap iss business ko start kar sakte hai.

5) Ice cream parlor

Ice cream hamesha demand me rehta hai. Koi bhi season ya occasion me ice cream ke bina pura nahi hota. Ek chhota se ice cream parkour kum investment me shuru kiya ja sakta hai. Iske liye jyada staff aur jagah ki bhi jarurat nahi hai. Aap different type ke flavours jo market me easily available na ho usse select karke ye business start kar sakte hai.

6) Job consultant

Job consultant jo yuva ko unki education ke according job dilane me help karta hai. Agar aap ye business karna chahte hai to apko pehle network banana padega. Aap apne network ka use karke job dila kar apna bhi profit earn kar sakte hai. Yaha par job consultant ko companies candidate dene par commission deti hai.

7) Real estate consultancy

Sabse jyada chalne vala business hai real estate ka aur kaha invest kare, konsi property achi hai iske liye real estate consultant ki jarurat padti hai. Agar koi vyakti real estate ke through property kharidta hai to usse property ki kimat ka 1% ya 2% consultant ko dena padta hai. Jisse kafi profit milta hai aur iss business ko start karne ke liye koi investment karne ki jarurat bhi nahi hai.

8) Online shopping portal

Aaj kal online shopping ka trend hai. Aise me aap online business karte hai to apko shop lagane ki jarurat bhi nahi rehti, online order milne par apko customer tak usse pohchana hota hai. Iss tarah aap jyada investment se bhi bach sakte hai.

9) Blogging and Website

Ghar baithe paise kamane aaj kal ka popular trend hai. Aap ghar baithe apne time pe kam karke paise kama sakte hai. Iss business me apko sirf website ka name purchase karna aur hosting purchase ka kharch karna hoga. Aap blogging karke acha paise earn kar sakte hai.

10) Event management

Ghar me ho rahe function classy banane ke liye event management ka business aaj kal bohat popular hai. Kisi ke pass itna time nahi hai ki ghar ke function organize kar sake isliye ye business bohat chalta hai. Yaha bina kuch invest kiye aap paise kama sakte hai.

11) Jewel making

Jewel making ek bohat hi low investment ke sath ghar baithe shuru kiya ja sakta hai, iske liye apko jewellery design karne ka thoda idea hona jaruri hai.

12) Wedding planner

Weeding planner jo shaadi ko organized karte hai jiske return me usko paise milte hai. shaadi me bohat sari chize jaruri hai inn sab ka intezam karne ka time aaj kal kisi ke pass nahi hai isliye log isse outsource kar dete hai. Ye business ka bohat acha idea hai.

13) Coaching

Agar aap ki knowledge kisi subject me bohat achhi hai to aap coaching start karke without investment paise earn kar sakte hai.

14) Yoga Instructor

Aap part time business karne ki soch rahe hai to ye business karne ka acha idea hai isme apko time bhi kum dena padta hai aur investment bhi nahi karna padta. Iske liye apko Yoga ka course karke iska certificate lena hoga phir aap ye business start kar sakte hai.

15) Papad making

Kum investment me papad udhyog bohat labhdayi hai. Papad ko aksar appetizer ke form me present kiya jata hai. Ye udhyog women empowerment ke liye famous hai. Machinery badhne ki vajah se isse laghu udhyog me bhi samil kiya gaya hai. India me sabhi jagah iska use bohat jyada hai.

16) Bakery

India me bakery ka business food processing sector me sabse bada business hai. Bakery ki chize jyada bikti hai kyunki ye fresh aur demandable hoti hai. Demand aur financial aspect ke according apko different product banane chahiye iske liye aap ek rent par jagah lekar business ko start kar sakte hai.

17) Pickle making

Aachar aur chatni India ke traditional food me se ek hai. Ye India me alag alag tarike se banaye jate hai isiliye pickle ka business kafi beneficial hai. Aachar banana kafi easy hai aur capital investment bhi kafi kum hai aur isse aap ghar se hi shuru kar sakte hai.

18) Chocolate making

Chololate ka use kafi chizo me hota hai jaise cake, biscuit, ice-cream, candy, shake & pastery etc., me aur ye har age ke logo ko pasand hoti hai aur har season me chalti hai isliye kafi demand me rehti hai. Iska business hamesha achha munafa deta hai.

Hum umeed karte hai ki apko ye article pasand aaya hoga aur aap in tips ki madad se apne business shuru karke acha profit earn kar sakenge. Aise aur business tips hindi ke liye subscribe jarur kare. Iss article se related koi query hai to comment box me puch sakte hai.

Bookmark the permalink.

Leave a Reply

Your email address will not be published. Required fields are marked *

CommentLuv badge