Equity mutual funds ke dividends hai taxable

Dividends tax free hone ki vajah se pichhle 2 saal me investor ne bohat sare equity aur hybrid funds ke dividends option me bada amount invest kiya hai. Aab budget me finance minister ne equity mutual fund ke dividends par tax lagega ye announce kiya hai jiski vajah se bohat sare saval investor ko pareshan karte hai to ye article me humne kuch aise saval aur unke jawab dene ki koshish ki hai.

Equity mutual funds

Investor ko equity mutual fund ke dividends par kitna tax pay karna padega?

1st April se finance minister ne equity mutual fund ke dividends par 10% tax lagega aisi announcement ki hai.

Tax kaise liya jayega ?

Aab tak equity scheme ka dividend investor ke hath me tha aur wo bhi tax free tha jisme ELSS fund, tax saving scheme, equity scheme, sector scheme, balanced fund aur equity saving fund included the.

1st April se fund house ko investor ki aur se 10% dividend distribution tax dena padega yani agar investor ko equity scheme me monthly Rs. 1000  ka dividend milta hai to aab wo kum hokar Rs. 900 ho jayega.

Kya aab dividend se behtar hai growth option ?

Finance advisor ke according investor ko ab mutual fund ke growth option me invest karna faydemand hoga aur agar kisi ne regular income ke liye dividend option select kiya hai to unko growth option me shift ho jana chahiye aur SWP (Systematic withdrawal plan) ko select karna chahiye.

Dividend ka aadhar, fund house par rehta hai aur aisa bhi ho sakta hai ki kuch month tak fund house paise bhi na de aur kabhi jyada paise bhi de sakta hai.

Iss situation me SWP investor ko regular income provide karta hai. SWP me aap kitna amount har month withdraw karna chahte ho aur konsi date pe withdraw karna chahte ho wo aap decide kar sakte hai.

1 lakh tak capital gain tax free hone ki vajah se growth option beneficial hai.

Switching ke time kya dhyan rakhe ?

Switching karne ke time 2 chize dhyan rakhni chahiye

  • Fund house switching par kitna exit load charge karte hai. Har fund ka apna exit load charge hota hai aur kuch fund same scheme switching par koi charge apply nahi karte.
  • Switching selling ka transaction mana jata hai isliye agar ek saal se kum time me switching karne par investor ko 15% short term capital gain pay karna pad sakta hai.

Hum umeed karte hai ki apko sare saval ke javab mil gaye honge. Iss article se related aur koi saval hai to comment box me puchh sakte hai.

Bookmark the permalink.

Leave a Reply

Your email address will not be published. Required fields are marked *

CommentLuv badge