Insurance Kya Hota Hai ?

India me jyada tar log insurance ke bare mein nahi jante aur logo me insurance ko lekar kafi bhram hai. Insurance kya hota hai aur kyo lena jaruri hai uske bare me log nahi jante hai. Is liye aaj hum insurance ke basic ke bare me baat karenge.

Insurance Kya Hota Hai ?

Basically, Insurance ek promise hai jisme policyholder agar time pe premium bharta hai to kisi tarah ki durghatna hone par company claim deti hai. Insurance ek tarah ka protection hai. Vaise to ye durghatna me hi kaam aata hai par ye ati aavshyak hai. Aaj kal kab kya ho jaye kuch pata nahi, is liye aapki kimti chizo ka insurance apko helpful ho sakta hai.

Insurance

Kitne Type Ke Hote Hai Insurance ?

Life Insurance Policy

Aaj kal badhti bimari aur durghatna ki vajah se jivan ka koi bharosa nahi raha. Isliye log ye policy apni family ke liye karvate hai taki unke jane baad family ko paiso ke mamle me help mil sake.

Isme policyholder company ke terms anusar paise jama karke policy karvata hai aur policyholder ki death hone par company paise policy holder ke nominee ko deti hai.

Accident Insurance Policy

Accident Insurance policy ka sabse bada fayda hai ki durghatna hone par kisi bhi prakar ka kharch nahi uthana padta. Isme policy liye hua vyakti ka accident hone par uske hospital ka kharch or death hone par company ke terms anusar vyakti ke nominee ko paise diye jate hai.

Medical & Health Insurance Policy

Aaj kal badhti bimari ki vajah se health jaldi kharab hone lagi hai, aise me ye policy bahut helpful hoti hai. Isme company ek saal me regular check-up ka kharch bhi uthati hai.

Isme policy liye hua vyakti ke bimarĀ  hone par uske hospital ka kharch, drugs ka kharch aur to aur operation ka kharch bhi company deti hai.

Vehicle Insurance Policy

Yaha policy vehicle ki durghatna aur chori hone par helpful hoti hai. Isme car, motorcyle ya koi bhi vehicle ka Insurance karva sakte hai.

Home Insurance Policy

Is policy me aap home insurance karva sakte hai. Is policy me ghar ya ghar ki kisi bhi vastu ke damage par company paise deti hai. Koi saman chori hone par, jal jane par ya koi durghatna me yaha policy se madad milti hai.

Crop Insurance Policy

Barish ka koi season nahi raha, kisi bhi samay aati hai aur sab fasal ko barbad kar deti hai. Aise me kisan ko yaha Insurance jarur karvana chahiye.

Ye Insurance ke chalte kisan bina chinta ke kheti kar sakte hai aur barish na hone par ya fasal tabah hone par company nuksan ki bharpai karti hai.

Travel Insurance Policy

Yatra me deri ya cancel ho jane par aur yatra me koi durghatna hone par company claim deti hai

Others Type of Insurance Policy

  • Pet Insurance
  • Political Risk Insurance
  • Marriage Insurance
  • Fire Insurance
  • Marine Insurance

Aaj ki hamari post me aapko insurance ke basic ke bare me jankari mil gayi hogi. Agar aap ko koi is topic se jude koi sawal hai to niche comment box me puchh sakte hai.

Bookmark the permalink.

Leave a Reply

Your email address will not be published. Required fields are marked *

CommentLuv badge