Investment ke samay kya dhyan rakhe

Sare beej ek choti se jagah me ache fal nahi de sakte ye baat investment par bhi lagu hoti hai. Investor planning ke sath invest kare to apne future ko achha kar sakta hai.

Ek survey k according 90% investor ko expected interest nahi mil raha kyunki usne invest alag alag jagah nahi kiya.

Dusra ek reason ye bhi hai ki investor short term ke benefit ko dekh kar invest karta hai jab ki investment long term ke liye ho wo jyada benefit deta hai.

9% logo ko interest nahi milta kyunki wo shares ka selection galat karte hai aur 1% investors ko isliye interest nahi milta kyunki wo invest karne ka sahi time chuk jate hai.

Shares, bonds, commodity, real-estate, art and currency me equal investment long term ke liye karne se benefit milta hai.

Investor ki future ki needs ke hisab se uska portfolio change ho sakta hai. Thoda risky aur jyada safe invest karna hi smart investment hai.

Yaha par apko hum kuch tips denge jisse aapko achhe investment me madad mil sake.

Investment Calculation

Invest kaise kare

  • Apna ghar banana sabhi ka sapna hota hai to aap ghar banane ke liye invest kare to khud ka ghar bana kar future ko safe kar sakte hai.
  • Dusra aap jab bhi invest kare to uss company ki sari history jankar phir invest kare. Bina kuch jane kahi par bhi invest karne ki vajah se log apne paise gava dete hai.
  • Jaha se income na milti ho aisi commodity me invest na kare to hi behtar hai.
  • Jo investment risky lage usme kum invest karna chahiye aur jo safe hai vaha jyada investment karna chahiye. Isse risky investment se apko loss ho to bhi safe investment se income recover ho jayegi.
  • Agar apko risky invest karna hi hai to aap aise paiso ka invest kare jo agle 5 saal tak apko use na karne ho.
  • Apki income me se har mahine ek fix amount investment ke liye alag rakh dijiye kyunki vahi amount apko future me interest ke saath milegi.Income tax bharna jaruri hai. Par Government ne jo Income Tax Saving ka benefit diya hai waha se maximum Income tax bachane ki koshish kare.
  • Loan ka interest bharne me hi apki sari life nikal jati hai. Agar bohat requirement ho to hi loan lena achha hai.
  • Market up down hota rehta hai. Jab market top pe ho tab invest na kare kyunki market kabhi bhi tut sakta hai. Jab market down ho tab share lene se benefit hone ke chances badh jate hai.
  • Aapke kharab waqt me aapki financial situation na bigde isliye life insurance karna ek behtar investment hai.
  • Young age me bimari kum hoti hai isliye apni income ka 10 to 15% account me jama karte jaye taki budhape me bimari ke waqt vo paise apko madadgar sabit ho.
  • Jitni property hai wo sab ka insurance aur planning kare jese ki flat, bungalow, car etc.,
  • Abhi apki jo life style hai usse future me continue rakhne ke liye future ki planning bohat jaruri hai. Investment aisa karna chahiye jisse apki asset to vapas mile par uss par apko achha interest bhi mil jaye. Ek rat me crorepati ban ne ka sapna lekar investment karna bevkufi ho sakti hai.

Agar apko koi aur bhi query ho to aap niche comment box me puch sakte hai.

Bookmark the permalink.

Leave a Reply

Your email address will not be published. Required fields are marked *

CommentLuv badge