Kya Hai Pradhan Mantri Jan Aushadhi Yojana ? Kaise Start Kare ?

Pradhan mantri jan aushadhi yojana, bharat sarkar ke pharmaceuticals department ke dwara chalaye janewali ek yojana hai. Iss scheme me aam nagriko ko bazaar kimmat se 60 se 70% kam dam me dawaiya milti hai aur sabhi nagriko ko kam dam me dawaiya mile issi udeshya se central government ne ab tak India me total 3162 Pradhan Mantri Jan Aushadhi Kendra Khol diye hai. Agar aap behad kam kharch me ek business start karna chahte ho to aap Pradhan Mantri Jan Aushadhi Kendra Khol Sakte Ho.

Pradhan Mantri Jan Aushadhi Yojana

Kaun Khol Sakta Hai Pradhan Mantri Jan Aushadhi Kendra ?

Jab ye yojana shuru ki tab government ki selected agencies hi Jan Aushadhi Kendra khol sakti thi par ab Koi bhi Individual ya Business Person, Hospital, NGO, Charitable Trust, Pharmacist, Doctor or Medicinal Practitioner Pradhan Mantrai Jan Aushadhi Kendra Khol Sakta Hai.

Aur Iss scheme me SC, ST aur Divyang Vyakti ko Jan Ausadhi Kendra Kholne ke liye Rs. 50,000 Ki dawaiya Advance me hi di jayegi.

Jaruri Documents

  • Individual Application Ke Liye aapko chahiye Pan Card aur Aadhar Card
  • Business, NGO, Hospital, Charitable Trust ko apply karne ke liye Pan Card, Aadhar Card, Date of Incorporation aur Registration Certificate Chahiye
  • Pradhan Mantri Jan Aushadhi Kendra kholne ke liye aapko kam se kam 10 varg meter ki jagah chahiye
  • Aapko Jan Aushadhi Kendra Kholne ke liye sabse pehle aapko Government ke Food and Drug Department me aapko register karvana hoga aur iske liye agar aap pharmacist nahi hai to aapko Pharmacist (D.Pharma/B.Pharma/M.Pharma) ko job par ya phir partnership me lena padega.

Highlights of Pradhan Mantri Jan Aushadhi Yojana

  • Drug ki sell par 16% Profit
  • Total Rs. 2,50,000 Government Sahayata, Jo aapko har mahine ki sell par 10% extra commission ke rup me diya jayega aur har mahine aap ko maximum Rs. 10,000 commission mil sakta hai.

Kaise kare apply ?

Jan Aushadhi store kholne ke liye aap ko ye form Application Form fill karna hoga

Ye Form fill karne ke baad aapko Food and Drug department se Drug and License Number ke liye permission leni hogi

Hum ummeed karte hai ke aapko Pradhan Mantri Jan Aushadhi Yojana Kya hai aur jan ausadhi kendra shuru karne ke liye kya karna hai aapko pata chal gaya hoga. Agar aap aise hi business se jude ideas ke bare me aur jan na chahte hai to aap subscribe jarur kar lijiye aur koi sawal hai to aap comment box me puchh sakte hai.

Bookmark the permalink.

Leave a Reply

Your email address will not be published. Required fields are marked *

CommentLuv badge