LIC Mutual Fund Me 300 Rs. Daily SIP Ki Suvidha

Agar aap ko SIP ke bare me nahi pata to bata de ki, SIP Investment yani ki ek equal time interval me ek fix amount invest karne ki process. SIP Investment amount ko equal interval par invest kiya jata hai aur iss se risk bhi kum hota hai. Aaj hum LIC Mutual fund ki nayi launch ki gayi daily SIP ke bare me baat karenge.

LIC Mutual Fund

LIC Mutual Fund Daily SIP Scheme

LIC Mutual Fund ne daily SIP scheme start ki hai. Company ye manti hai ke log agar SIP through invest karenge to unka nivesh ke prati najariya bhi badlega. Issi baat ko dhyan me rakhte hue LIC MF ne rojana nivesh rashi kafi kam Rs. 300 rakhi hai. Iss scheme me investor mahine me 22 working days tak invest kar sakta hai, iss hisab se scheme me mahine me 6,600 Rs. invest hote rahenge.

Iss Plan me, LIC MF investor ko 5 equity scheme me invest karne ka option de rahi hai, jaise ki LIC MF Equity Fund, LIC MF Growth Fund, LIC MF Midcap Fund, LIC MF Infrastructure Fund aur LIC MF Index Fund.

LIC MF apne SIP Portfolio me nivesh ko 30% badhana chahti hai. LIC MF me SIP se har month 23 Crores ka nivesh ho raha hai aur iss scheme se company chahti hai ke nivesh badhkar 30 Crores rupees ho jaye.

LIC Ke Pramukh marketing officer Rajesh Patvardhan ke anushar current financial year me SIP se investment approximately 56% tak badha hai. Patvardhan batate hai ki log Mutual Fund SIP ko investment ke liye kafi pasand karte hai, kyunki iss me aapko systematic investment karna hai aur market me ho rahe hai utar chadav se bhi bacha ja sakte hai.

Agar industry association amfi ke data ki baat kare to mutual fund houses ne year 2017-18 me 9.26 Lakh average SIP monthly accounts add kiye hai, aur iss me average SIP size Rs. 3,300 per account hai. December 2017 me SIP ke through Rs.6200 Crores collect kiye gaye hai.

Koi bhi investment karne se pehle aapko scheme ko barabar samajna behat jaruri hai aur achhi tarah jan lene ke baad hi invest kare.

Agar koi question hai to niche comment box me puchh sakte hai

Bookmark the permalink.

Leave a Reply

Your email address will not be published. Required fields are marked *

CommentLuv badge