Mutual Fund Kya Hota hai

Aksar hum tv advertisement me mutual fund ke bare me sunte hai par jyadatar logo ko ye nahi pata ke mutual fund hota kya hai. To aaj hum aap ko mutual fund ke bare me batayenge. Aap agar puri post padhte hai to aap ko mutual fund kya hai wo samaj me aa jayega.

Mutual FundMutual Fund Ki Jaankari

Investor ki ek badi sankhya jo paisa jama karvati hai us fund ko mutual fund kehte hai. Ab mutual fund companies ke pass investment expert hote hai wo aaye hue paiso ko use karte hai. Mutual fund paiso ko is tarah se invest karta hai ke uska return aur risk dono sure ho jaye.

Jab sare investor milkar ek fund me invest karte hai to us fund ko barabar matra me baat diya jata hai aur ye bate hue hisse ko unit kehte hai.

Ye chiz aap ko ek example ke saath samjata hoo. Agar aap koi zamin ka tukda kharidna chahte ho. Wo tukde ki kimmat 10 lakh hai. Agar aap ye 10 lakh fund ko 10 rupees ki unit me batenge to 1,00,000 unit banenge. Ab investor jitne chahe utne unit kharid sakta hai. Maan lijiye aap ke pass 10,000 rupiye hai to aap 1,000 unit kharid sakte hai.

Ab maan lijiye ke ye property ki kimmat 3 mahine me badhkar 12 lakh ho gayi. To us hisab se unit 10 ka tha wo ab 12 rupiye ka ho gaya hai. Ab aap ne 1,000 unit kharide the to aap ka investment (1000 X 12) = 12,000 rupees ho chuka hai.

Ek investor ke rup me aap kitne rupees invest karte ho uske upar nirbhar hai ki aap kitne units ke malik honge. Aur isi liye ek investor bhi unit dharak ke rup me jana jata hai

Mutual funds me jo bade units nahi kharid sakte waise investor ke liye chhote chhote units kharidne ki bhi suvidha hai aur sabse fada benefit ye hai ki jis kisi ko mutual funds ke bare me kuch bhi jankari nahi hai wo bhi is me invest kar sakta hai. Aur mutual funds ke expert is paiso ko kaha invest karna hai wo tai karenge.

Mutual funds me kai tarike se invsest kar sakte hai. Jaisi ki Bond aur Share Markets. Mutual funds ke kai prakar hote hai jo apne investment ke hisab se jane jate hai. Mutual funds ke teen mukhya prakar hai Debt, Equity and Balance Funds. Agale article me hum mutual funds ke prakar ki details me charcha karenge.

Agar aap ko ye article pasand aaya hai to apne friends ke saath whatsapp, facebook aur twitter par share jarur kare.

Bookmark the permalink.

Leave a Reply

Your email address will not be published. Required fields are marked *

CommentLuv badge