SIP Investment Kare Ya Lump Sum Investment

Investment karna bohat confusing hota hai aur aap decide nahi kar pate ki kya karna chahiya. Aur investment karne se pehle aapko kuch investment ke tarike jan na behat jaruri hai.

Aaj hum dekhenge ki systematic investment aur lump sum investment dono me se kis me jyada return mil sakta hai

SIP Investment VS Lump Sum Investment

SIP Investment Vs Lump Sum Investment

SIP investment aur lump sum investment aap ko ek example se samjate hai

Apne ek lump sum amount Rs. 1,20,000 saving account me ek saal ke liye invest kiye. Wahi apke dost ne quarterly Rs. 30,000 invest kiye.

Yaha apka investment fixed deposit me hai aur apke dost ka recurring deposite me hai.

Aap dono ne ek saal ke liye equal amount invest kiya phir bhi aapko ek saal baad jyada amount mila kyunki aapki puri amount Rs. 1,20,000 ek saal tak invest rahi hai aur aapke dost ne Rs. 30,000 quarter base par invest kiye isliye uska investment period kum ho gaya to uska return thoda kum ho gaya.

Par sikke ke do pehlu hote hai ye nahi bhulna chahiye aur aapko ab dusra pehlu batate hai.

Apne apna principal Rs.1,20,000 ek equity mutual fund me invest kiya jiska NAV Rs. 20 hai jiske apko 6000 unit mile. Wahi apke dost ne Rs. 30,000 issi scheme me invest kiye jaha usse first quarter me 1500 unit mile aur uske baad NAV ki value decrease hone lagi aur baad me teen quarter tak Rs. 30,000 investment karne par usse saal ke end me jyada unit mile aur jyada return bhi mila.

To yaha pata chalta hai ki long term investment hone ke bavjud apko kum return milta hai kyunki apke dost ne kum NAV par invest kiya aur uski lower average cost niche aa gayi. Issi concept ko rupee cost averaging kehte hai.

Lekin aab sawal ye bhi aata hai ki agar NAV increase ho jaye to ? To aap ko return aap ke dost se jyada milega

Lump sum Investment method tab achha return deti hai jab investor waha invest kare jaha continuous price badh rahi ho.

SIP Investment tab jyada profitable hai jab market ki price continuous kum ho rahi ho.

Humne aap ko Lump sum investment aur SIP Investment ke difference aur benefit bataye. Aap apni investment capacity, situation aur objective ke base pe inme se koi bhi choose kar sakte hai. Iss topic se related query niche comment box me puch sakte hai.

Bookmark the permalink.

Leave a Reply

Your email address will not be published. Required fields are marked *

CommentLuv badge