Stocks ki Jankari Hindi Me

Har insan apne life ko better banane ke liye mehnat karta hai paise kamata hai aur kuch paise save bhi karta hai taki vo paise future me kaam aa sake.

Aab ye money saving ka kaam tab tak pura nahi hota jab tak usse sahi jagah invest na kiya jaye. Vaise to investment ke bohat option hai aur unme se ek hai stock market ya share market.

Share market ke bare me apne suna hoga magar usme kya procedure hai, kis company me paise lagane chahiye, share market kaise kam karta hai uski detail apko iss article me milegi.

Stock Market

What is share market?

Share yani -“hissa” aur share market matlab -“company me hissa”.

Share market ya stock market ek aisa market hai jaha compaines ke share kharide aur beche jate hai.

Isme log pal bhar me bohat paise kama lete hai ya to sare paise gava deta hai isliye is ke bare me detail study ki zarurat hai.

Agar aap kisi company ke share kharid rahe ho yani uss comapany par kuch haq aapka ho jata hai.

Ex. Agar company ne 1 lakh ke share issue kiye hai aur apne 10 thousand share kharide to aap uss company ke 10% hissedar ban jate hai. Aap jab chahe tab uss share ko market me bech sakte hai.

How to purchase share?

Share market me share aap direct apne bank account se nahi kharid sakte. Share kharidne ke liye Demat account kholna padta hai. Company profit hone pe paise demat account me transfer karti hai jo bank ke saving account ke sath link hota hai.

Three ways of purchasing shares

  1. Online purchase
  2. Broker
  3. IPO(Initial Public Offering)

Online aur broker ke bare me aap jante hoge is topic par ham detail me kisi aur article me batayenge par ye IPO kya hai aur kese work karta hai uske bare me hum apko batate hai.

IPO(Initial Public Offering)

Country ki economy stable rakhne ke liye private aur public company ka bada yogdan hai.

Company ko start karne ke liye aur maintain karne ke liye paiso ki jarurat hai.

Jiske liye company ke pass do option hai.

  1. Equity or Share
  2. Loan or Debenture

Agar company share ke through paise lena chahti hai to company ko open market me share ko issue karna padta hai. Jise phir public share ko kharid or bech sake.

Company pehli bar share ko public me issue karti hai usse IPO kehte hai.

IPO ko public issue bhi kaha jata hai. Koi bhi IPO me invest karke us company me hissedar ban sakta hai.

IPO lete time share ki price company decide karti hai. Lekin IPO pura hone ke baad share ke price par company ka koi role nahi hota.

How stocks price are set?

Initially, Company shares ko stock exchange me listing karvati hai. IPO issue karne ke time share ki price company decide karti hai, lekin IPO pura hone ke baad share ke price par company ka koi role nahi rehta.

Share ke price share ki demand aur supply ke through stock exchange par change hoti hai.

Agar purchase hue share sell hue share se kam hai to share ki price badhti hai aur agar sell hue share purchase hue share se kum hai to share ki price kum hogi.

Share purchase ke liye share ki face value bahot important hai. kya aap jante hai face value kya hai ?aur face value kese help karti hai share purchase me ?

What is Face Value in share market?

Agar company ke total share ki value 2 crore hai aur company 10 Rs ke 20 lakh share release karti hai to uski face vaule 10 hogi.

Face value ko Par value bhi kaha jata hai.

Ek bar company share market me listed hone k baas agar market value 15 tak badhti hai to isse Premium value ya Above Par kehte hai , agar man lijiye share ki price kam hoti hai to isse  discount value ya Below Par kehte hai aur share ki vaule 10 Rs hi rehti hai to usse At Par kehte hai.

Hum share kharidne ke time face value nahi dekhte aur aise hi kharid lete hai, Lekin face value ko compare karna bahot zaruri hai. Agar kisi A company ki face value 10 hai aur market me 50 Rs price hai aur B company ki face value 5 hai aur 50 Rs market price hai to company A ke share uski face value se 5 guna hai jabki company B ke share uski face value se 10 guna hai. Yani B company ke share zyada premium pe bik rahi hai. To hum is tarah comoany ki face value comapre kar ke share kharid sakte hai.

Types of Stock Market

  1. BSE(Bombay stock exchange)
  2. NSE(National stock exchange)

India me yahi stock market hai jaha share purchse aur sell hote hai.

Brokers stock exchange ke member hote hai.

What is Sensex and Nifty ?

Sensex

BSE me sabse badi aur active rahne vali 30 company ko liya jata hai. 30 shares ki is index ko Sensex kehte hai.

Agar Sensex badhta hai yani isme registered maximum company ka performance acha hai. Aur agar kum hota hai yani maximum company ka performance kharab raha hai.

Nifty

NSE me sabse badi aur active rahne vali 50 company ko liya jata hai. 50 shares ki is index ko Nifty kehte hai.

Agar Nifty badhta hai yani isme registered maximum company ka performance acha hai. Aur agar kum hota hai yani maximum company ka performance kharab raha hai.

Think before invest

Share market me paise kamana jitna aasan hai utna hi risky bhi hai. Isse bachne ke liye apko iske bara me puri information leni chahiye aur kisi ki di hui tips ko follow na kare. Share bajar ek risky game hai, par iska ye matlab nahi ki iske liye alag se koi qualification chahiye. Basic information ko study karke invest karna faydemand hai.

Bookmark the permalink.

Leave a Reply

Your email address will not be published. Required fields are marked *

CommentLuv badge